白癜风早期治愈方法 http://m.39.net/pf/a_7086985.html 原创西坡海上梦叠
来源：夜光杯
作者：西坡
沪语改写：潘庆钮
文字修正：丁迪蒙
诵读：潘慧芳
编辑：王乙其
爆米花，看上去像煞动宾结构个词语：爆、米花。但是，勒一排里吃客看起来，伊是偏正结构个名词：爆开来涨大，像开花一样个米制品。听到过“买爆米花”“吃爆米花”个讲法伐？侪好来做证明个。
假使有人想要自家来做搿个米制品，还要讲得出是哪能做出来个，就有眼讨惹厌唻：“爆”个前头应该还要有只动词，啥个词呢？相信呒没多少人能够讲得出来。
搿能介个难题，对于上海以及上海周边地方个人讲，根本就勿算啥个事体。上海人拿“爆米花”叫“炒米花”，拿做“炒米花”个过程叫做“爆+炒米花”。真是恰到好处呀。
老底子勒上海穿弄堂做“爆炒米花”生意个小商贩，常庄会得带好仔苏北口音叫：“爆～炒米花～喽！”句子结构邪气完整，讲得是煞拉势清。
是个呀，伊只接受代工服务，又勿是推销炒米花个咾。侬叫伊像卖“小钵头桂花甜酒酿”个人一样来大声个喊，搿勿是变成功野豁豁吹牛皮个了嘛？人家定规是勿肯个。
更加要紧个是，上海人搿能勿怕繁琐个讲，是有得道理个。为啥呢？伊拉又勿是只做“爆炒米花”个咾，还有得“爆珍珠米”“爆年糕片”唻……要是勒其他地方，作兴还有人勒为“爆米花”爆个到底是啥还缠勿清来！
侬还覅讲，上海人嘴巴常庄讲个“炒米花”，侪是有得出处个。
南宋大诗人范成大勒伊个长诗《上元纪吴中节物俳谐体三十二韵》里向提到过“撚粉团栾意，熬稃膈膊声”。伊自家加了注释：团栾就是团子；熬稃，就是“炒糯谷以卜，俗名卜娄，北人名糯米花”。膈膊，象声词。王安石《用前韵戏赠叶致远直讲》：“纵横子堕局，膈膊声出堞”。洪迈《夷坚丙志.程佛子》：“俄闻屋中膈膊声，穴隙而望，如人抛掷散钱者”。看得出来，像掷棋个声音，像掼铜钿个声音，哔哩拨落，勿就是像翻炒米粒个辰光发出个爆裂声音嘛。
值得一提个是，勒中国古代，虽然炙，烤，炮，煸，煎，熬，蒸，煮，煨，炖……勒先秦文献当中还有炮，烙，爆，烩，烧，熘，煨，渍，脯，鼓，醢，菹、腊，醢，齑，羹等烹饪法，应有尽有，但是大家对于气体内部个能量交换，热力学个原理侪是木知木觉个。因此，就算先秦文献高头有得“爆”个烹饪方法，只好拿伊当子“急火爆炒”个“爆”，而勿是像现在搿能：拿米咾啥个谷物摆勒封闭个容器里向加热，让容器里气体个压力勿断个变大；到一定辰光拿容器个盖头一记头开开来，使得谷物里外压强差变大，里向个高压水蒸气急剧膨胀，一记头就爆开来了啊……
作者：西坡
诵读：潘慧芳
——————————————————
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年儿童出版社
《实用沪语》复旦大学出版社
《上海话绕口令》少年儿童出版社
《上海方言词语使用手册》上海教育出版社
《上海话读成语故事》少年儿童出版社
《囡囡学童谣》，少年儿童出版社
《囡囡学成语》，少年儿童出版社
原标题：《炒米花（上）》
